استشارة خزانة ملابس تشبهك
دولابك مليان… وما عندك شي تلبسينه؟
المشكلة مو في كثرة الملابس، المشكلة إن دولابك ما يشتغل معك. «خزانة ملابس تشبهك» برنامج متكامل على جلستين، نرتب فيه خزانتك من جديد، عشان يصير اختيارك كل يوم أسهل، وتلبسين اللي عندك فعلًا بدل ما تشترين أكثر.
باختصار، وش يشمل البرنامج؟
جلستين أونلاين، مجموعهم ساعة و٤٥ دقيقة
٥ أيام عمل أدرس فيها قطعك وأجهز خطتك
تقرير مكتوب يبقى معك وترجعين له وقت ما تحتاجين
هالبرنامج لك إذا:
تكررين نفس القطع وعندك دولاب مليان.
عندك ملابس للحين عليها التيكت.
كل صباح تتأخرين وأنتِ تختارين وش تلبسين.
ودك توقفين الشراء العشوائي.
قبل ما نبدأ 📏
بعد الحجز يوصلك نموذج تعبين فيه مقاساتك. جهّزي متر قياس معك، وأرسلي النموذج قبل الجلسة الأولى بـ ٢٤ ساعة على الأقل عشان نستعد لها كويس.
كيف نمشي مع بعض؟
١. نموذج المقاسات
تعبين النموذج بقياساتك (باستخدام متر القياس) وتفاصيل يومك وصور من قطعك، وترسلينه قبل الجلسة الأولى بـ ٢٤ ساعة.
٢. الجلسة الأولى (٤٥ دقيقة)
نتعرف فيها عليك وعلى أسلوبك واحتياجك.
٣. نجهز خطتك
خلال ٥ أيام عمل.
٤. الجلسة الثانية (٦٠ دقيقة)
نشرح لك الخطة وكيف تطبقينها من اليوم.
وش بيوصلك؟
تقرير «خطة خزانتي العملية»: مرجعك الدائم لخزانتك.
فرز واضح لقطعك: وش تخلين، ووش تعدلين، ووش تطلعين.
من ١٠ إلى ١٥ تنسيق جاهز من ملابسك اللي عندك، بدون ما تشترين شي.
قائمة نواقص ذكية ما تزيد عن ٨ قطع، عشان كل ريال تصرفينه يكون في مكانه.
النتيجة: وقت أقل قدام الدولاب، وصرف أذكى، وإطلالة تشبهك كل يوم.
جاهزة تخلين خزانتك تشتغل معك؟
احجزي استشارتك الآن