مين «منى تقول» ؟
أنا منى القصيبي
مستشارة مظهر وعضوة في جمعية الأزياء.
.
بدأ حبي للأزياء من وأنا صغيرة. كنت أشوف في القطعة البسيطة فرصة لإطلالة مختلفة؛ بإكسسوار، تنسيق جديد، أو طريقة مختلفة في لبسها. ومع الوقت صار اللي حولي يرجعون لي في اختياراتهم:
«منى وش تقول؟»
«منى قالت كذا أحلى.»
ومن هنا جاء اسم منى تقول.
.
حبي للأزياء خلاني أتجه للدراسة والتخصص، وحصلت على شهادة استشارات المظهر من هندام وشهادة تصميم الأزياء من معهد بيكاسو، وللحين أطور معرفتي مع أكاديمية في دبي، إلى جانب عضويتي في جمعية الأزياء.
أعـــرف هــذا الشعـــور
توقفين قدام خزانة مليانة ملابس، وبالنهاية تطلعين بنفس القطعة للمرة العاشرة.
تشترين قطعة عجبتك في المحل، وتبقى معلقة ببطاقتها بدون ما تلبسينها،
وتبدين تقولين بينك وبين نفسك: يمكن المشكلة في جسمي.
بس الحقيقة إن المشكلة ما كانت فيك أبدًا.
اللي أسمعه من كل امرأة
عندي ملابس كثيرة، وما عندي شي ألبسه
لأنك اشتريتي قطعك وحدة وحدة، مو كخزانة متكاملة. نربطها ببعض، وتزيد إطلالاتك من نفس القطع.
جسمي تغير، وما في شي يضبط علي
جسمك ما خذلك، قواعدك القديمة هي اللي تحتاج تتغير. نختار قصّات تريحك وتناسب جسمك اليوم.
أبي أبين مرتبة في دوامي، بدون ما أتكلف
نصمم لك صيغة إطلالة تكررينها بثقة، تعكس مكانتك بدون حيرة كل صباح.
أحب ألوان كثيرة، بس ما أحس إنها تليق علي
بعض الألوان تنوّر وجهك وبعضها يطفيه. نكتشفها سوا، وتختارين بعدها من أول نظرة.
مـن الشـغـــف للمعـرفـــة
أقدم لك استشارات تساعدك تفهمين أسلوبك وتعرفين وش يناسبك بطريقة أقرب لك ولحياتك.
ما أبغى أختار بدلًا عنك.
أبغى أساعدك تعرفين كيف تختارين لنفسك.
ما فيه ستايل واحد يناسب الجميع.
لأن هدفي إنك لما تشوفين إطلالتك تقولين: «هذي أنا»
- عميلة
- +80
- استشارة
- +120
- سنوات الخبرة
- +3